ads

اختبار

المزيد حول هدا الموضوع : http://www.jilteqnia.com/2013/01/how-to-add-youtube-video-to-blogger-posts-or-widget-website-with-autoplay-enabled.html#ixzz3t7zSsaHu

طريقة عمل القرنبيط بالبشاميل

قرنبيط بالبشاميل

المقادير
1 قرنبيط
نصف كيلو لحمه مفرومه
2 بصله مفرومه
ملح وفلفل وبهارات لحمه
5 معالق دقيق
5 معالق سمنه
2 كوب لبن
جبنه موتزاريلا

الطريقه
نسلق القرنبيط ووهو بيتسلحق نكون احنا بنعصج اللحمه المفرومه
نجيب طاسه ونحط فيها سمنه ونشوح فيها البصلتين المفرومين وبعد متصفر نحط اللحمه وقبل ماتستوى بشويه نحطلها الملح والفلف الاسود وبهارات اللحمه ونتركه تكمل سوا
ونروح نعمل الشاميل نجيب حله ونحط فيها الخمس معالق  سمنه ونتركها تسيح  وننزل عليهم بالخمس معالق دقيق
ونقلب ونقلب ونستمر فى التقليب ونقلب تانى لحد متاخد لون ذهبى فاتح نوطى النار ونجيب مضرب سلك وننزل بكوبين اللبن بس شويه شويه عشان ميكلكعش مننا
لحد مايصبح عندنا قوام كريمى حلو كده ونظبط الملح والفلفل ونسيب البشاميل يبرد شويه لحد مااحنا نجهز الصينيه
نجيب صينيه تكفى مقاديرنا ونحط فيها شويه بشاميل تحت ونرص القرنبيط  المسلوق وفوقه نضع اللحم المفروم المعصج طبعا ثو نقوم بوضع باقى القرنبيط ونضع فوقه باقى كميه البشاميل كلها واخيرا نضع مقدار الجبنه الموتزاريلا كلها على الوش وندخلها الفرن لغايه ماالجبنه تسيح وتاخد لون دهبى حلو
وبالف هنا وشفا  

طريقه عمل الفراخ المشويه على البوتجاز

طريقه الفراخ المشويه على البوتجاز

انا المره دى شويت الفراخ على البوتجاز تغيير بس طلعت جامده جدى
طريقتها سهله جدا ومن غير دخان ولا وجع قلب
حنجيب الفرخه حنغسله كويس جدا ونفتحها من الضهر ونسيبا فى ميه وخل وملح نصف ساعه
عشان الخل بيساعد وبيقلل فتره السوا
نعمل فى الفرخه فتحات بالسكينه وخصوصا عند العضم
نتبلها بملح وفلفل وشويه قرفه بتدى طعم خطير فى الشوى وشويه زعتر صغيرين ونسيبها ساعه فى التتبيله دى
نجيب طاسه تيفال كبيره ونسخنها كويس جدا جدا جدا على نار عاليا ومندهنهاش اى حاجه
وننزل بالفرخه تاخد صدمه لغايه متاخد لون بعد كده نقلبها على الوش التانى لغايه متاخد لون وافضل اقلب فيها كذا مره لحد متستوى نصف سوا
ممكن نكمل سواها فى الطاسه ذى ماهيه وممكن نحطها فى صينيه وتكمل سواها فى الفرن
وبعد ماتستوى نولع فحمه ونحطلها نقطه زيت ونغطى
وكلى احلى فراخ مشويه وانتى عارفه هى معموله اذاى وانتى اللى غسلاها ومنظفاها
جربوها وادعولى وبالهنا والشفا

تعلمي صنع البيتى فور

طريقه البيتى فور

المقادير

2 كوب دقيق
1 كوب زبده بدرجه حراره المطبخ
نصف كوب سكر بودر
بيضه
فانيليا
ملعقه صغيره بيكينج بودر
رشه ملح صغيره
معلقه كبيره كاكاو خام
شيكولاته مذابه على حمام زيت
شيكولاته فارماسيل
مكسرات مطحونه

طريقه التحضير
قبل مانبدا نشغل الفرن عشان يسخن لان دى نقطه مهمه جدا
نحضر بوله ونضع بها البيضه وعليها الفانيليا ونربها بادينا كويس جدا لغايه ماتختفى واول ماتختفى نضع الدقيق والبيكينج بودر والملح
ونعجنهم كويس جدا لحد مانحصل على عجينه متماسكه نقسمه نصفين اول جزء نسبه ابيض زى ماهوه والتانى نضع عليه معلقه الكاكاو الخام
ونضع جزء جزء فى كيس الحلوانى ونشكلها فى صينيه مدهونه زيت وندخلها الفرن ونخبزها ومش حتاخد وقت معانا ان شاء الله
لغايه منخلص الكميه اللى عندنا كلها نجيب مربى ونلزق واحده بيضا وواحد بالكاكاو او الاتنين بيض او الاتنين كاكاو براحتك انتى بقى
بعد كده نغمس نصفها فى الشيكولاته ثم نضعها فى الفارماسيل او فى المكسرات
وتكه مهمه لازم نحطه فى حلبه بلاستيك محكمه التغطيع عشان يفضل عندنا طازه اطول وقت وحتلاقوا مقرمش وجميل
وبالهنا والشفا ياحبايبى 

طريقة صنع صدور الدجاج بحشوه الارز بالخضار

صدور الدجاج بحشوه الارز بالخضار

طبعا كلنا زهقنا وملينا من الاكل التقليدى وعايزيين تغيير انا انهارده معايا طريقه جديد جدا وهى صدور الدجاج بالارز بالخضار وطعمها تحفه ومغديه جدا وذات قيمه غذائيه عاليه

المقادير
4 قطع صدور دجاج
خضار مشكل (بسله _ فاصوليا _ جزر)
1 كوب رز
3 معالق مكسرات محمصه
1 معلقه خل
1 معلقه صغيره ملح
1 معلقه صغيره فلفل اسود
ا معلقه صغيره بهارات
3 فلفل الوان كل واحد لون

طريقه التحضير
بتم فرد صدور الدجاج ونتبلها بالملح والفلف والبهارات والخل
نجهز طاسه ونح بها زيت ونشوح بصله مفرومه ناعم ونضيف اليها الخضار وتقلب لمده خمس دقائق ونضيف كوب الرز المغسول ومصفى ونقلب تانى خمس دقائق ونضيف اليه كوب من مرقه الدجاج ونتركهم على نار هاديه لحين تمام التسويه
وبعد التسويه نجيب صدور الدجاج ونحشيها الرز بالخضار ونقفله كويس ونوضع به خلل اسنان عشان ميفكش
وممكن نرصها فى صنيه مدهونه زيت ونسويها فى الفرن وممكن نسويها على الجريلا
وتقدم ساخنه مع باقى مقدار الارز بالخضار
وبالف هنا وشفا

بالصور طريقه عمل السينابون

طريقه عمل السينابون

عايزه اقولكوا الطريقه دى عن تجربه بتبقى تحفه وهشه وجميله قوى
ابقوا جربوها وقولولى رايكوا

المقادير
6 كوب دقيق
ربع كوب سكر
ربع كوب زيت
ربع كوب زبده
1 كوب حليب دافئ
نصف كوب ماء دافئ
3 بيضات
رشه ملح
ملعقه بيكينج بودر
ملعقه فانيليا
2 ملعقه خميره فوريه


الطريقه
فى اناء نخلط السكر والخميره والماء الدافئ واللبن الدافئ وكوب واحد دقيق ونسيبهم يخمروا كويس تقريبا لمده ربع ساعه
وبعد الربع ساعه نضيف باقى المكونات كلها ونعجنها كويس جدا الى ان تصبح العجينه مطاطيه نتركها تخمر لمده نصف ساعه
وبعد ماخمرت حنلاقى حجمها تتضاعف معانا نقسمها نصفين ونبتدى نشتغل فيها
ناخد نصف نفرده كويس وندهنها زبده ونرش فوق الزبده سكر وقرفه
ونلفها رول بالطول ونقطعها قطع متساويه
ونضعها فى صينيه مدهونه زيت ونتركها تخمر لمده ربع ساعه تقريبا
وبعد ماتخمر ندهنها بصفار بيضه وندخلها فرن مسخن من قبل على درجه حراره 180 لمده نصف ساعه
ونطلعها فى صينيه التقديم ونرش عليها قرفه ومكسرات مطحونه وبالهنا والشفا

أسهل طريقه لعمل القراقيش

طريقه عمل القراقيش
اولا المقادير
5 كوب دقيق
1 كوب لبن دافئ
1 معلقه ممسوحه خميره
ربع كيلو سمنه
ربع كوب ماء للعجن
معلقه صغيره ملح
سمسم وحبه البركه

الطريقه
نضح السمنه على النار الى ان تقدح نعمل حفره فى الدقيق ونضع بداخلها  السمسم وحبه البركه والملح ونضيف عليهم السمنه المقدوحه
نقلبهم مع بعض كويس جدا بملعقه خشب لانه حيكون سخن طبعا
ونتركه يبرد قليلا ويبث باليد ثم نضع اللبن ويكون مذاب به الخميره ولو لاقينا العجينه محتاجه نضيف ربع كوب الماء الدافئ ونعجن حتى تكون متماسكه
نترك العجينه لترتاح 10 دقائق ثم ناخد قطعه قطعه ونفردها على سطح مستوى مرشوش بالدقيق ونفردها ونقطعا ذى مانحب مستطيلات او دوائر او بالطول
وممكن نحشيها عجوه او ملبن
ونبدا فى رصها داخل الصاج ونغطيها ونتركها ساعتين تخمر
ثم ندخلها الفرن حتى تحمر
وبالهنا والشفا

طريقة عمل الفته الاسكندرانى

الفته الاسكندرانى

انا انهارده قررت اقول واحكى على تكاتى وحركاتى فى الفته الاسكندرانى

اولا طريقه عمل الارز
بنغسل الرز كويس انا بحط لكل 5 كوب رز 6 كوب ماء
بنجيب الحله بتاعتنا ونحط فيها سمنه وزيت مع بعض عشان الرز يطلع مفلفل ونسخنهم وننزل عليه بالرز نقلبه تقلبتين وننزل بالماء ونحط الملح وده اختيارى طبعا ونوطى النار ونسيبه يستوى براحته

ثانيا طريقه العيش
انا بجيب العيش واكسره وكون محضره طاسه فيها زيت زسمنه ومسخناهم وانزل عليهم بالعيش لغايه  ميتحمص بس كده واسيبه على جمب

ثالثا طريقه الصلصه
بجيب حوالى نصف رأس ثوم واقشرها وادقها مع كمون وواحد فلفل اخضر حار او بارد دى حاجه اختيارى ونشوحهم حبه وننزل عليهم بعصير الطماطم اللى ضربينه فى الخلاط ومصفيينه فى المصفاه ونحط حبه خل حلوين ونتركهم تتسب

رابعا طريقه التقديم
ناخد حبه عيش محمص على حبه رز مفلفل وعليهم حبه صلصه ونقلبهم ونغطيهم بالرز ونزين الصينيه بباقى الصلصه من فوق
وطبعا فته من غير لحمه ضانى ملهاش لزمه نكون مجهزنه من الاول وسلقنها ومعاها ورق لورا وحبها ومستكه
بصراحه انا جعت بالف هنا وشفا عليكوا

تعلمي طريقه عمل العيش البورى

طريقه العيش البورى

المقادير
3 كوب دقيق
3 معالق زيت
نصف معلقه ملح
نصف معلقه سكر
نصف معلقه بيكينج بودر
كوب الا ربع ميه دافيه

الطريقه
نحضر بوله وننزل بالدقيق والزيت ونعجن شويه ثم نضيف الملح والسكر والبيكينج بودر وننزل باميه الدافيه ونعجن كويس جدا لحد ماالعجينه تلك خالص ونعملها كوره
نقطع العجينه كور صغيره المقادير دى تعملنا حوالى 12 رغيف صغيرين
بعد ماكورناها نسيبها ترتاح ساعه تقريبا
بعد الساعه نجيب كوره من العجين ونرش دقيق عليها ونفردها كويس بالنشابا ولو لقيناها بتمط ومش بتتفرد كويس نريحها ربع ساعه بعد كده نشتغل فيها
نفردها بسمك حوالى نصف سنتى
نكون مجهزين زيت غزير فى حله ويكون ساخن جدا جدا جدا وننزل بالعجينه بعد مافردناها وناخد بالكبشه الزيت السخن
ونضع على العجين ودى خطوه مهمه جدا عشان الرغيف يتنفخ واول مياخد لون ذهبى فاتح نقلبه على الوجه التانى لياخد نفس الون الذهبى الجميل
ونطلعه على مناديل مطبخ عشان تشرب الزيت الزياده
وبالهنا والشفا